الله وكـيـلـك ذبـحـنــي الـهـــم بغـيـابك
تعــالـي أرجــوك مافـيـنـي يـكـفـيـنــي
أبـيـك جـنـبـــي هـنا وأتـنـفـس أطيابك
من قــال جـنبي ! تعـالـي في شراييني
أشـتـقـت لرضـاك كثر الشـوق لعتابك
ولصـوتـك وبـحـّـتـه وإنـتـي تـنـادينـي
بلسانـك إسـمــي يـزيـن بـطعـم عنابك
وبلسـان غـيــرك ثـقــل دمـّـه يـعـنـّيني
أشـتـقـت لعـيـونـك الحـلويـن وأهدابك
شـفـتـي عيـونك ؟ أجـل بـالك تلومينـي
من حسـنـهـا كـل مافـينـي علـى بـابك
الله يعـيـنـك عـلــى حــاجـة مساكـينـي
بغيـابـك أتـذكــر إللـي فـات واهـابــك
أول لـقا يـوم أنـا شـفــتـك وشـفـتـيـنـي
يـوم أرتخـت لثمتـك وأستغفر حجابك
كــن الـهـوا يـوم جــاب العـيـد ناويـني
بعثــر عـباتـك وقـفـتــي ثــم تـلـوّابـك
فــي ذمـتـي وقـتـهـا ثـارت شياطــيـني
والحـين وينك تـراني ضعت بأسبابك
تعـالـي وسـوّي إلـلـي يعـجـبـك فـيـنـي
المـوت أهـون عـلي من قسـوة غيابك
تعــالـي أرجــوك مافـيـنـي يـكـفـيـنــي
موضوع: ذبـحـنــي الـهـــم بغـيـابك 
الأربعاء يناير 28, 2009 9:16 pm
