قصيدة رائعة في مدح الرسول صلى الله عليه وسلم

فعت سمر الجدايل وانتخت بالقذلة الهلّة=======تبي مني عروسٍ للقصيد ازريت لاغويها

ويوم اني لقيت لْها الخلوج وجيت ابا اوصله======تنحرك الكلام اللي فهقها دون مغليها

خضع لك راس مسبوق القصايد وانحنى كلّه=====وانا بك شاعر الدنيا ومشغلها وماليها

يذكرني رحيلك مجلسٍ باقي على حله=========مداهيل الرجال اللي تنومسنا مواطيها

هنا سليت سيفٍ يوفي الثارين من سلّة =========هنا علقت رمحٍ يطعن الجوزا ويطفيها

هنا بينت مصحفك الكريم ودلنا دلّه============معك نبدا مواعيد الكلام وننتهي فيها

هنا ساقيت غصنٍ من غلا كنّا تحت ظله=========نسولف بالغنا يابايع الدنيا وشاريها

هنا كان الرجل جبال ما تقبل خنا الزلّة=========عمايمها سحاب وابلة باقي مواضيها

رجالٍ لو تشوف الما غدر ما شربته لله========نبت عشب الرضا ياسيدي بأول مغازيها

هل التوحيد وكنوز العلوم ونصرة الملة===========رجالٍ يضحك التاريخ لاولها وتاليها

هنا ماضيك ورياض الخليل اللي رعى خله=======شربنا عذبها مدري لعبنا في مغانيها

هنا..تخنقني العبرة وانا اكتب يارسول الله====على قبرك نسيت الناس حاقدها وحانيها

وهو قبرٍ يتيه من الفخر بالبيد وتجلّه===========على حسدٍ تبين من سمايمها وصاليها

ويهناك الوفا قبرٍ يضمك في ثرى تلّه=========مدامه بين فردوس الجنان وبين منشيها

وانا لامن ذكرت فراقك اللي في يدي غلّة========نسيت ان الليالي شيبتني من بلاويها

على بعد الزمان اللي يعقد الحبل ويحلّه========الى مني ذكرتك طاحت الدمعة وراعيها

سلام الله ماهز الصبا نسرينه وفلّه=========على الطفل اليتيم اللي عطا الدنيا معانيها

تسلمي أخت عاشقة الشهادة على القصيدة

تحيااااااااااتي قصيدة رائعة

أختك الجريحة

مشكوورة كتيييييييييييييييييييير كتيييييييييير
تحياتي
ملاك الاحلام

--------------------------------------------------------------------------------

هذه قصة قرأتهــا ويقول ناقلها انها حقيقية ... والله أعلــم

تدور القصة حول مديرة مدرسة عزباء غابت عن المدرسة يومين ولما عادت لمدرستها قابلنها المدرسات سلامات وينك يامديرة ؟

قالت لهن باركولي تزوجت .

قالن مبروك يامديرة ولكن منهو زوجك ؟.

قالت لهن بصراحة زوجي هو زوج إحداكن .

المدرسات تكفين علميننا أي وحدة منا ؟

قالت المديرة والله ما أعلمكن .

المهم لزمن عليها فقالت لهن أنا منيب متكلمة اللي تبي تعرف هل هو زوجها وإلا لا تجيب بكرا معها خمسمية ريال

وإذا جت توقع تحط الخمسمية على الطاوله واللي آخذ خمسميتها فهي مهو زوجها واللي أخلي خمسميتها على

الطاولة ولا آخذها فهو زوجها عيب علي اتزوج زوجها وآخذ بعد منها خمسمية ريال ..

وافقن المدرسات على الطريقة .

ويوم جاء بكرا وكل وحدة مزهبه معها الدراهم .

جت الأوله والثانية والثالثة والرابعة حتى العاشرة والمديرة تاخذ الدراهم .

يوم جت المدرسة ال 11 وبدت المديره تأفف المهم حطت الدراهم على الطاولة وقالت لها تكفين خذيها يالمديرة

قالت المديرة اعذريني قالت المدرسة كانها قليلة حطيت ألف بدال الخمسمية قالت المديرة أووووووووووووه معليش

أثرك أنتي جواهر والله اني آسفه غلطت يوم تنفست المدرسة وقالت الحمد لله يعني بتاخذين الفلوس المهم اخذتها المديرة .

ودخلن بقية المدرسات حتى ال 23 والمديرة تلعب باعصاب كل وحده وفي النهاية تاخذ الخمسمية .

المهم بقي مدرسة وحدة فقط ماجت يوم اتصلن عليها المدرسات هاه وينك يا استاذه قالت والله اني تعبانه وماني جايه .

قالت المدرسة الغايبة : هاه من صار زوجها اللي متزوج المديرة ؟

قالن لين الحين مابين شي والمديرة عيت تاخذ الفلوس لين نحضر كل المدرسات ( يلعبن عليها بس يبونها تجي عشان

يتطمنون إنها هي لأنه مابقى إلا هي ) وقالن المدرسات لازم تجين تكفين .

المهم جت تسحب رجليها بالقوة ويوم جت تدخل المدرسات كل وحده مبسوطة انها مهي هي وبدن يسمن على المدرسة

ال 24 عشان ماتنصدم ..

دخلت المدرسة الأخيرة غرفة المديرة وحطن باقي المدرسات ايديهن على قلوبهن وحطت المدرسة الخمسمية على الطاولة وضفتها المديرة .

يوم طلعت لقنها عايدية وماصار شي وفلوسها أخذتها المديرة .

قالن يابنات فيه وحده منكن ماخذت المديرة دراهمها ؟

قالن لا والله كلنا اخذت دراهمنا .

ودخلن المدرسات على المديرة وقالن اخذتي الفلوس من كل المدرسات تلعبين علينا منهو زوجك ؟

قالت المديرة المهم الدراهم ( 12000 ريال ) ماراح ترجع وأنا والله لا تزوجت ولا شي لين الحين عزوبية ووالله كنت

مريضة هاليومين . ولكني اطلبككن قبل شهر تدفعن على مية ريال نصلح المصلى ولا وحدة منكن دفعت قلت والله

لأدفعكن 500 ريال نصلح المصلى ونشتري مصاحف وقف للمسجد ..

قالن المدرسات بردها الله بالعافيه فداك الدراهم ولو تبين زود عطيناك هو صدق بس رجالنا ماتزوجوا علينا ..
_________________