بدك تتجوز احكيلي

يا أخي بعدين معك ؟

كم صار عمرك ؟

بعدك طفل ؟

شو ناقصك ؟

شو الاسباب اللي مابتخليك تتجوز ؟

مصاري ؟

يا أخي اذا مصاري كم راح تكلف يعني ؟

طيب احسب من 4 سنين الى الان بكم تمصرفت على حكي فاضي
يا الله جيبلي قلم ورقه وأحسب
لو حوشت نصهم مابجوزوك ؟

لازم يكون عندك قصر وسياره ؟

طيب شو بتفرق مادام انت ومدامتك بالاخير بيت واحد والحب ماراح يتغير سواء سياره او بيت شعر ،،،
يعني الله يرحم جدودنا كانو يعيشو الحياه الزوجيه في بيت شعر وخلفو ابوك وأبوي ..

شو بدك بحكي النسوان أنت انوي وقوي قلبك وجرب أخطب

خايف ... ...

فعلاً انك جبان

من شو خايف

خايف تروح تطلب ايد بنت ؟ يا أخي رايحين يقطعو راسك

جرب روح اطلب ايد بنت واقراء الفاتحة واذا عقلك الكبييييير ما طابق على عقلها لا حول ولا

روح شوفلك بنت ثانيه وثالثه بس انوي يا أخي مشان الله انوي

ولا خايف ماتكون فارس احلامها

يعني شو بدو يكون فارس هالاحلام اللي براسها ابن فرير

مهو ابن فرير ماراح يقدرها مثل مابتقدرها انت

واسأل المطلقات أكثريتهن اتجوزن ولاد فرير

من شو خايف من الفقر ؟

يا أخي مش مشكلة الفقر اهم اشي النظافة

قلتلي مابدك تتجوز ؟

كل يوم بتصاحب 4 بنات اشكال الوان وشغل رحنا جينا ومبسوط على شكلك

أكييييد مبسوط وعامل جووووو

طيب لما تروح على البيت بتقضيها طق حنك للصبح وبتصحا الصبح زي الميت
وبتسولفلي على التلفون وبتوصل البنات على المريخ وبترجعهن

اي شبعتنا كذب ...

والبنت صارت تشوفك ليوناردو ديكابوريو وحاسه حالها راكبه على الباخره وانت وراها

وبعديها ببتركها لأنك لقيت وحده صوتها انعم

وبتترك اللي صوتها انعم لأنك لقيت وحده عيونها حلويين وصوتها ناعم

وبتتركها لأنك لقيت وحده صوتها ناعم وشقراء وعيونها حلويين

بس مشكلتها انها مابتحبك مثل انت بتحبها وبتخونك وانت مش داري

يا أخي فعلا انك مسكيين ...

طيب ولمتى بدك تضلك على هالموال ؟

يا أخي اعطيني موعد قولي بتاريخ 10 - 10 - 2008 راح اتجوز

اما مش عارف راسك من رجليك طيب ليش مسمي حالك رجل

فكر معي

مش ملاحظ أنك مشوش

مشوش ولا مش مشوش أحكيلي الصراحه ؟

أكييد مشوش لأنك مش مستقر بحياتك وماراح تستقر الا لما تشوف طفل عيونو بريئة بركض عليك وبعبطك
طفل خدودو حلويين وايديه ناعميين وانت أغلى انسان بحياتو لأنك بابا ياروح بابا أنت ...

يا سلام هي في صار عندك انسان بحسبك أغلى انسان بحياتو وعندك مدام انت كل اشي بحياتها

بالله عليك ما صار الك قيمه ؟

يا أخي معقوووووول لساتك مش مقتنع من حكي ؟؟

رحت طلبت وابوها طلبك المهر طياره ؟

ولايهمك بتجيبلو بسكليت وبكلمتين حلويين تخليه يشوفها طياره

يا أخي أتـــلـــحـــلـــح ...

وكل العقبات اللي قدامك صدقني حلولها بسيطه بس أنت تفكيرك أعوج

ايواااااااا اعرفت ليش مابدك تتجوز

قلتيلي بدك تكون حالك ؟

بكون بعلمك راح تضلك تنفخ بقربه مخزوقه وراح تكون حالك بعد ماتجوز

عارف ليش بعد ماتجوز لأنو عقلك الكبييييير مستقر وقابل للابداع أكثر

بس أهم اشي تختار صح شريكة حياتك لحتى الله يفتحها بوجهك ....

يا أخي مازهقت الروتين

مش ملاحظ انو كل يوم بشبه الثاني

با الله عليك منت حاس حالك مخنوووووووق ومتضايق




لساتك مش مقتنع




خلص بلاااااااااااش تتجوز خليك عزابي .. خليك حُر

خليك طير مغررررررد على اوراق الشجر






***






بس بيكون بعلمك ...







انو هذا شعورك بس وانت مكانك بالعالم صفر

لأنو محدا مهتم فيك

ماحدا بحبك حُب صادق مثل مدامتك او ابنك

اه الموضوع هدا ل شباب ما حلنا نشارك في عفوا سمورة

بطلت اتجوز من هالموضوع

ههههههههههههه



ميرسي كتير الموضوع حلو كتير

نتمنى المزيد

تسلمو ومروركم احلى يا عماد وسراج النور

الله يسلمك ياااااااارب

الله يسلمك

وحده وحده


يسلموووو يا سمووورة

والله سعاتن مرحنش على الجامعة تنجوز


مشكورة

والله موضوع حلو

موضوع حلو سموره يسلموكتير

يسلمو سموره بجد موضوع رائع وجميل ومشوق والكلام الي احكتيه كان مشوق وحلو الى الامام يا رب

الله يجوزكم طبعا العزابيه الي مجوزين خلص

هههههههههههههههههههههه

ان شاء الله بدوم هالضحكه يا ملاك الاحلام والابتسامه ما بتغيب وشك يا رب

ان شاء الله

مشكوووووورة سمورة الامورة على هالموضوع الاكتر من روعة

يسلمو سمورة........

شكرااااااا كتير ..الموضوع حلو..

ههههههههههههه موضوع جميل ان شاء جميع العزابيه تجوز وتتهنا قولوا امين